الاستحمام بالاعشاب الطبيعية

اعرفي 5 فوائد عن الاستحمام بالاعشاب الطبيعية … مع طريقة تحضير الحمام للاستحمام

كلنا طبعا عارفين المثل الشعبي اللي بيقول “يا خارجة من باب الحمام وكل خد عليه خوخة ” واللي غنتها بعد كدا تحية كاريوكا في فيلم لعبة الست ، هو دا بالظبط الاحساس اللي هتعشيه لما تضيفي بعض الاعشاب الطبيعية للمياه وانتي بتاخدي الشاور بتاعك ، وهنقلك ازاي تحضري حمام الأعشاب الطبيعية بالطريقة اللي هتخلي جسمك يستفاد منه أقصى استفادة ، وممكن كمان تنوعي في استخدامك للوصفات دي ما بين روتينك اليومي في النظافة الشخصية وروتينك الأسبوعي ، عشان تبقي على طول منورة .

الفوائد الصحية للاستحمام بالاعشاب الطبيعية

الاستحمام بالاعشاب الطبيعية ليه فوائد كتير جدا هنذكر بس أهم الفوائد عشان منطولش عليكي ، واتاكدي ان المعلومات دي صحيحة تماما لأنها من مصادر طبية موثوقة .

  1. تنشيط الدورة الدموية .
  2. تنظيف ونعومة البشرة والتخلص من الرؤوس السودا والدهون في الوجه خصوصا للبشرة الدهنية .
  3. استرخاء العضلات وتسكين آلام الضهر .
  4. هتساعدك على النوم المريح بالليل .
  5. هتكسب جسمك ريحة حلوة طبيعية .

خلطات طبيعية بالأعشاب توضع في البانيو

الاستحمام بشاي الأعشاب

يعتبر الاستحمام بشاي الاعشاب من اسهل وانجح الوصفات اللي تقدري تستخدميها في روتينك اليومي الصبح قبل ما تنزلي الجامعة أو الشغل بتاعك ، ولو انتي قاعدة في البيت او بتشتغلي اون لاين على الزووم اعمليها اخر النهار او بليل بعد ما تخلصي الشغل بتاعك او قبل ما تنامي ، وتقدري تنوعي بين الاعشاب العطرية المفضلة ليكي ، والطريقة دي هتخلي ريحة جسمك حلوة جدا خصوصا لو واظبتي عليها .

ماذا اضع في ماء البانيو ؟ و كيفيه تحضير الحمام لل الاستحمام بالاعشاب الطبيعية ؟

الحقيقة تحضير بانيو الاعشاب دا سهل جدا ، انتي هتملي البانيو مياه فاترة او دافية على حسب ما جسمك بيستحمل وعلى حسب ما تحبي ، هتجيبي فلتر الاعشاب اللي تفضليه وتحطي 3-4 منه في المياه في البانيو واعدي في المياه دي حوالي ربع ساعة ميقلش عن كدا .

لو مش عايزة تستخدمي باكتتات الاعشاب ممكن تجيبي شاش من الصيدلية وتحطي في الاعشاب الليانتي عايزاها وتلفيهم زي كورة كدا وتحطيه في البانيو .

طيب ايه الاعشاب اللي تقدري تستخدميها في حمام الاعشاب ؟

عن تجربة دي مجموعة من افضل الاعشاب اللي تقدري تستخدميها وسهل جدا انك تحصلي عليها و ممكن حتى تزرعيها في البيت وتاخدي منها ، كمان ممكن تستخدمي معاها شرائح ليمون او برتقال وشرائح جنزبيل .

أعشاب البابونج
أعشاب الياسمين
أعشاب النعناع
أعشاب اللافندر
أعشاب الصنوبر
أعشاب الشمر
أعشاب الريحان
أعشاب أوراق التوت الأسود
أعشاب الزعتر
أعشاب الزنجبيل
نماذج للأعشاب المستخدمة لل الاستحمام بالاعشاب الطبيعية

الاستحمام بخل التفاح

خل التفاح للاستحمام

يساعد خل التفاح على تنعيم البشرة وتلطيف الجلد كمان بيشيل آثار الاحمرار او الحكة وبيطهر البشرة وينقيها .

طريقة تحضير حمام خل التفاح

هتحطي فنجال من خل التفاح في ماء البانيو الفاتر أو الدافي وتعدي في المياه دي حوالي ربع ساعة ، ممكن في الفترة دي تعملي حمام زيت أو كريم لشعرك ، وخلي حمام الخل ضمن روتينك الأسبوعي في النظافة الشخصية .

الاستحمام باللبن لبشرة صافية

الاستحمام باللبن

حمام اللبن دا هديكي نعومة فائقة لجسمك كله وهو سهل جدا وممكن تخليه بردوا ضمن روتينك الأسبوعي أو يبقى كل أسبوعين .

طريقة تحضير حمام اللبن لجسمك

هتجيبي كيس لبن بودرة صغير وتدوبيه في مياه البانيو الدافية ، هتعدي فيه ربع ساعة ، هتشطفي جسمك كويس ويفضل انك تعملي اسكراب لجسمك بعدها خلطة (قرفة + سكر + بشر برتقال ) عشان ميبقاش ريحة لبن في جسمك بعدها اشطفي جسمك كويس بأي شاور جل بتحبيه .

حمام بالزيوت العطرية المنعشة

زيوت عطرية للاستحمام

حمام الزيت لجسمك دا ليه مفعول سحري بجد لانه كمان بيسكن آلام العضلات مش بس بينعم جسمك . ويفضل انك تواظبي عليه كل اسبوع .

طريقة تحضير حمام الزيت لجسمك

في حمام الزيت لازم المياه تبقى سخنة شوية عشان تساعدي الزيوت العطرية أنها تتبخر ، هتحطي مقدار ربع كوب زيت إلى مياه البانيو وهتعدي في المياه في البانيو مش اقل من ربع ساعة ، ومن افضل الزيوت اللي ممكن تستخدميها ” زيوت الاسترخاء في البانيو ” زيت الافندر ، زيت الحصالبان وزيت الورد وزيت جونسون .

طيب لو عندك كابينة شاور ومعندكيش بانيو هتعملي ايه ؟

كيفية عمل حمام اعشاب في حالة وجود كابينة شاور

في الحالة دي لو حبيتي تعملي حمام أعشاب بغرض الاستحمام بالاعشاب الطبيعية هتحطي الاعشاب في شاش وتربطيهم في الدش من فوق وانتي بتاخدي الشاور بتاعك . وبنسبة لحمام الزيت و اللبن وخل التفاح تقدري تستخدميهم زي ماسكات للبشرة حطيها لمدة 30 دقيقة – 45 دقيقة واشطفي جسمك بعدها عادي .

بعد ما اتكلمنا عن ازاي تعملي حمامات الأعشاب في البيت تفتكري ان مياه الحنفية هتديكي النتيجة اللي انتي عايزاها وهتنعم جسمك وتساعدك على الاسترخاء ؟

بالتأكيد لاء .. لان مياه الحنفية في البانيو بتبقى مليانة كلور وشوائب انتي مش شايفاها وممكن كمان في بعض الاوقات وبعض المناطق تبقى مختلطة بمياه الصرف .

عشان كدا هنقلك ازاي تحصلي على مياه نقية حتى لمياه الحمام :

فلتر مياه 3 مراحل تايواني

افضل حاجة ممكن تعمليها انك تجيبي للبانيو فلتر 3 مراحل ، الفلتر دا هيشيل كل الشوائب وآثار الكلور الزائدة في المياه ، بيشتغل بدون كهربا يعني مناسب للحمام جدا وحجمه صغير ومالوش خزان انتي هتوصيله بحنفية البانيو على طول فهو دا اكتر نوع من انواع فلاتر المياه اللي مناسب للحمام .

كمان الفلتر 3 مراحل تايواني سعره مناسب جدا ب 350 جنيه بس وكمان شمعاته مش غالية خالص وسهل تغيريها بنفسك كل 3-6 شهور . لطلب الفلتر من خلال موقعنا الاليكتروني : من هنا .

أو من خلال صفحة الفيس بوك : اضغط هنا .

هتحطي الفلتر ازاي في الحمام ؟

ممكن تعملي رف خشبي مودرن جمب البانيو تحطي فيه الفلتر واستغليه كمان لوضع الشامبوهات والشاور جل والزيوت ويبقى زي وحدة تخزين مودرن وعملية ، وومكن كمان تحطي سلم خشبي جمب البانيو وتحطي عليى الفلتر وفي باقي درج السلم حطي زرع أو يبقى للتخزين بردو , وممكن تعملي ليه وحدة جبس بورد من النوع الأخضر المقاوم للرطوبة بالمقاس في حيطة قريب من حنفية البانيو .

وبكدا يبقى جملتي الحمام بتاعك ونقيتي المياه من الكلور والشوائب عشان تستمتعي بفوائد الاستحمام بالاعشاب الطبيعية .

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *

انتقل إلى أعلى